«Милан» ҳужумчиси Карлос Бакка Италия А серияси томонидан битта ўйинга дисквалификация қилинди.
Футболчси Италия чемпионатининг 28-тури доирасида бўлиб ўтган «Ювентус»га қарши ўйин (1:2) якунланганидан кейин ҳакамга босим ўтказганди. Шунингдек, футболчи 100 минг евро миқдорида жаримага тортилди.
"Ювентус"га қарши ўйиннинг иккинчи бўлимига қўшиб берилган дақиқаларида "Милан" футболчиси Хосе Эрнесто Соса иккинчи сариқ карточкани олиб, майдонни тарк этди. Кейин эса "россонери" дарвозасига пенальти белгиланди. Пауло Дибаланинг голи туфайли миланликлар бу баҳсда мағлуб бўлишди.
Ўйин тугагандан кейин Бакка майдонни тарк этаётган Давид Массага босим уюштирди. «Милан» бош мураббийи Винченцо Монтелла ва клуб раҳбарлари футболчини бир четга суриб қўйишди ва уни тўхтатишди.
Шу тариқа, Бакка А серия доирасида «Женоа»га қарши ўйинни (18 март) ўтказиб юборади.