«Real» klubi Angliyada kam ta’minlangan oilalar va tarbiyasi og‘ir bolalar uchun futbol maktabini ochishni rejalashtirmoqda.

Daily Mail xabariga ko‘ra, madridliklar London janubidagi Kroydon maktabi bilan hamkorlikda shu ishga qo‘l urmoqchi.

Loyihaning maqsadi – kam ta’minlangan oilalardan chiqqan 8 – 11 yosh oralig‘idagi bolalarni sport bilan shug‘ullanishi uchun sharoit yaratishdir.

22 mart kuni «Real» rahbari Emilio Butragenyo London meri Sodiq Xon bilan birgalikda maktabning ochilish marosimida ishtirok etadi.