«Yuventus» himoyachisi Leonardo Bonuchchi Chempionlar ligasi chorak finalida to‘qnash kelishi mumkin bo‘lgan raqiblar haqida o‘z fikrini bildirib o‘tdi.

«Barselona» dahshatli kambekni amalga oshirishdi. Bu esa bizni ikki yil avval YECHL finalida mag‘lub etgan jamoa bilan to‘qnash kelish uchun motivasiya bo‘lib xizmat qiladi. Chempionlar ligasida chorak finalga chiqish — "Yuventus" kabi jamoalar uchun oraliq maqsad hisoblanadi. Biz Yevropaning eng kuchli sakkiz klubi orasiga kirdik. Endi o‘z natijamizni yaxshilashimiz kerak.

To‘qnash kelishni istagan jamoa nomini aytishim kerak bo‘lsa, bu —  «Bavariya». Bu mukammal jamoa. Anchelotti qo‘lostida ular boshqacha o‘yin ko‘rsatishmoqda, ammo ular hamma o‘yinlarda g‘olib chiqishmoqda. Bitta o‘yinda esa hamma narsa sodir bo‘lishi mumkin, lekin ikkita o‘yinda yanada qiyinroq bo‘ladi», – dedi Bonuchchi.