Ispaniya chempionatidan o‘rin olgan «Real» - «Barselona» o‘yinini tomosha qilishga bo‘lgan talab juda kattaligicha qolmoqda.

AS xabariga ko‘ra, 24 aprel kuni «Santyago Bernabeu» stadionida o‘tkaziladigan o‘yinning eng arzon chiptalari olibsotarlar tomonidan 640 dollar narxda taklif qilinmoqda. Tomosha uchun qulay bo‘lgan sektor chiptalarining narxi esa 20 ming dollargacha ko‘tarilgan.

Qizig‘i shundki, bu o‘yinning chiptalari 20 mart kuni rasmiy sotuvga chiqadi. Biroq, qo‘lida yo‘q bo‘lgan chiptani olibsotarlar qanday sotmoqchi ekanini hech kim tushuntirolmayapti.