Chorak finalga chiqqan jamoalar:

"Anderlext" (Belgiya)
"Ayaks" (Gollandiya)
"Beshiktosh" (Turkiya)
"Genk" (Belgiya)
"Lion" (Fransiya)
"Manchester Yunayted" (Angliya)
"Selta" (Ispaniya)
"Shalke" (Germaniya)

Qur’a qachon o‘tkaziladi?

Chorak finalga qur’a tashlash marosimi 17 mart, juma kuni Toshkent vaqti bilan 17:00da boshlanadi. Marosim UYEFA Nyondagi shtab-kvartirasida o‘tkaziladi.

Qur’a translyasiyasi

Qur’a marosimi UzReport TV telekanali orqali jonli translyasiya qilinadi. Shuningdek, stadion.uz marosimni matnli onlayn translyasiya ko‘rinishda yoritib borishni maqsad qilgan.

Qur’a tartibi qanday?

Chorak final juftliklari ko‘r-ko‘rona asosda aniqlanadi. Jamoalar oldindan savatchalarga ajratilmaydi. Bir mamlakat vakillari o‘zaro to‘qnash kelishi mumkin. Qur’ada birinchi bo‘lib tortilgan jamoa dastlabki o‘yinni o‘z uyida o‘tkazadi. Yarim final bosqichi uchun alohida qur’a tashlash marosimi o‘tkaziladi.

O‘yinlar qachon o‘tkaziladi?

Chorak final bosqichining dastlabki o‘yinlari 13 aprel, javob bahslari 20 aprel kunlariga belgilangan.

"Frends Arena" sari yo‘l

13 aprel. 1/4 finalning birinchi o‘yinlari
20 aprel. 1/4 finalning javob o‘yinlari
21 aprel. Yarim finalga qur’a tashlash marosimi
4 may. Yarim finalning birinchi o‘yinlari
11 may. Yarim finalning javob o‘yinlari
24 may. Final, "Frends Arena" stadioni, Solna