Suriya milliy terma jamoasi yarim himoyachisi Mahmud al-Mavas O‘zbekistonga qarshi o‘yin oldidan o‘z fikrlarini bildirib o‘tdi.

"Osiyodagi har bir futbolchi Jahon chempionatining final bosqichiga chiqishni istaydi. Bu Suriya uchun juda muxim. O‘z orzumizni amalga oshirish uchun ishlayapmiz. Bilamiz, bu qiyin bo‘ladi, lekin, balki buni amalga oshira olarmiz. Imkonsiz narsaning o‘zi yo‘q. Har bir o‘yin biz uchun finaldek gap. Boisi, guruhdagi har bir raqib kuchli.

Suriya terma jamoasidagi ko‘p o‘yinchilar hali 23 yoki 24ga to‘lmagan. Bosh murabbiyimiz ko‘rsatmalariga amal qilgan holda o‘z o‘yinimizni kuchaytirib boryapmiz. Biz professional futbolchilarmiz va qanday o‘ynash kerakligini bilamiz.

Har bir arab futbolchisi Yevropada o‘ynashni istaydi, ammo men hozir bor e’tiborimni terma jamoamizning JCHga chiqishida yordam berishga qaratganman. Bu mening ulkan orzum", - dedi Al-Mavas.