Bugun “Nasaf” O‘zbekiston kubogining 1/16 finalida ilk uchrashuvini Toshkentning “Lokomotiv-BFK” jamoasiga qarshi o‘tkazdi.
Uchrashuv boshidan jamoa hujumga zo‘r berdi. Maydon egalari esa, butun jamoa bo‘lib himoyalanishga majbur bo‘lishdi. O‘yinning birinchi bo‘limining yarmi shu tarzda davom etdi. Futbolchilar gol urish uchun ko‘plab vaziyatlar ham yaratishdi. Dastlab hech qaysi futbolchida darvozani nishonga olishda aniqlik yetishmadi.
Uchrashuvning 33-daqiqasiga kelib, maydonning o‘ng qanotidan tashkil etilgan hujum, nihoyat gol bilan yakunlandi. Bunda Akmal Shorahmedov to‘pni havodan jarima maydoniga oshirib berdi. Tajribali hujumch Shaxboz Erkinov esa baland sakragan holda to‘pni boshi bilan darvozaga joylab qo‘ydi – 0:1.
“Lokomotiv-BFK” o‘z darvozasidan gol o‘tkazib yuborgach, oldinga o‘tishga majbur bo‘ldi. Bu holat esa futbolchilar uchun qarshi hujumda o‘ynashga qo‘laylik yaratdi. Natijada tashkil etilgan yana bir hujum gol bilan nihoyasiga yetdi. Bu vaziyatda Shaxboz Erkinov to‘pni Bobir Abduxoliqovga uzatib berdi. Bobir Abduxoliq yengil zarba bilan to‘pni darvozaga joylab qo‘ydi – 0:2.
Birinchi bo‘lim ana shu hisobda yakunlandi.
Shaxboz Erkinov ikkinchi bo‘limda “Lokomotiv-BFK” darvozasiga uchta gol urdi va poker qayd etdi.
Qolgan gollarga esa jamoa sardori Sherzod A’zamov va Dilshod Rahmatullayev mualliflik qilishdi.
Shunday qilib, raqib darvozasiga javobsiz yettita gol kiritgan "Nasaf" uchrashuvda ishonchli g‘alabaga erishdi va kubokning navbatdagi bosqichiga chiqdi. Jamoaning keyingi raqibi “Nurafshon” – “Paxtakor” juftligining g‘olibi bo‘ladi.
O‘zbekiston kubogi. 1/16 final bosqichi. 24.03.2017
“Lokomotiv-BFK” (Toshkent) – “Nasaf” (Qarshi) 0:7 (0:2)
Toshkent sh., TTYMI stadioni. 15:00da
Bosh hakam: Isxax Ibragimov (Nukus)
Qanot hakamlari: Jalgasbay Sarsenov, Bektursin Kannazarov (ikkalasi ham Nukusdan)
Yordamchi hakam: Anotoliy Rubakov (Toshkent)
Nazoratchi: Artyom Arutyunov (Toshkent).
Gollar: Shaxboz Erkinov, 33’-0:1, 66’-0:4, 76’-0:5, 80’-0:6, Bobir Abduxoliqov, 39’-0:2, Sherzod A’zamov, 59’-0:3, Dilshod Rahmatullayev 86’-0:7.
“Lokomotiv-BFK”: 52.Valijon Rahimov, 2.Jamshid Rasulov, 6.Dostonbek Bahromov, 10.Sardor Rasulov, 11.Rustam Yaraliyev (s), 13.Bekzod Latifov, 19.SHukurjon Mo‘minov, 22.Nurbek Sidabullayev (8.Ulug‘bek G‘aniyev 73), 23.Soxibjon Danishov (21.Saidmaxmudxon G‘ulomov 69), 25.Obidjon Hakimov, 9.Umarov Nuriddin (17.Hayotbek Sotivoldiyev 71)
Zaxira: 1.Sulayman Axmedkarimov, 4.Abdimutalib Iskandarov, 21.Saidmaxmudxon G‘ulomov.
“Nasaf”: 35.Sanjar Quvvatov, 2.Akmal Shorahmedov (38.Doniyorjon Narzullayev 71), 4.Maqsud Karimov, 7.Odiljon Hamrobekov (5.G‘olib G‘aybullayev 78), 10.Dilshod Rahmatullayev, 14.SHarof Muhitdinov, 23.SHerzod A’zamov (s), 15.SHaxboz Erkinov, 31.Saydullo Rahmatov, 45.Bobir Abduxoliqov, 69.Dragan Cheran (8.Sirojiddin Qo‘ziyev 71).
Zaxira: 30.Azizxon Isoqov, 9.Dilshod Xushbakov, 22.Igor Golban, 27.Islom Rashidxonov.
