23 yoshli o‘rta vaznli (66,7 kg gacha) o‘zbek bokschisi Qudratillo Abduqahhorov (11-0, 8 KO) WBC ning "kumush" chempionligi kamarini ishonchlidan ham ortiqroq tarzda qo‘lga kiritdi, deb yozadi Vesti.kz.

O‘zbek bokschisi zimbabvyelik Charlza Manyuchini (20-3-1, 12 KO) jang debyutidayoq nokautga uchratdi.

Afrikalik jangning birinchi soniyasidayoq Abduqahhorovga tashlandi va ammo bunga tayyor edi. Qudratillo qoidalarga mos ravishda jang shiddatini saqlab qolishga urindi. Manyuchi gavda bilan himoyalanishda o‘zini tengsiz degan fikrda, qo‘llarini tushirib, o‘zining yengilmas ekanini ko‘rsata boshladi.

U o‘zini "mast"day tutdi va "gandiraklay" boshladi. Charlz juda tezda chap tomondan zarba qabul qilib oldi va rostakamiga gandiraklab ketdi. Qudratillo yana o‘sha qo‘li bilan zarba berdi va afrikalik nokdaunga yiqildi.

Ammo hakam negadir jangni davom ettirishga qaror qildi va Manyuchi har ikki qo‘lini ham tushirib yubordi, ikkinchi yiqilishdan so‘ng jang tugadi.