"Real Madrid" yozgi transfer bozorini larzaga keltirishga qaror qildi.

Diario Gol tarqatgan xabarga ko‘ra, Paulo Dibala va "Yuventus" madridliklardan rad qilib bo‘lmas darajada taklif olgan. "Qirollik klub" argentinalik futbolchi uchun 125 million yevro ajratib qo‘ygan. Shundan 45 million yevrosi bonus sifatida to‘lab beriladi.

"Yuventus" rahbariyati avvalroq 23 yoshli futbolchini sotish niyati yo‘qligini aytgan bo‘lsa-da, Paulo jamoasi bilan yangi shartnoma tuzsa ham, "qaymoqranglilar" hujumchini yozda sotib olishga qat’iy qaror qilishgan.

"Real" Dibalani xarid qilish orqali "Yuventus"dan "Manchester Yunayted"ga 105 million yevro evaziga o‘tgan Pol Pogbaga tegishli rekordni yo‘qqa chiqarmoqchi.

Eslatib o‘tamiz, "Real" o‘z vaqtida Luish Figu, Zayniddin Zidan, Kaka, Krishtianu Ronaldu va Garet Beylni sotib olib, jahonning transfer rekordlarini yangilab borgan.

Avvalroq "Barselona" Dibalaga Messi-Suares-Neymar hujum uchligi yonidan joy topib berib, futbolchini "Real"ga emas, Kataloniyaga o‘tishga ko‘ndirishga harakat qilayotgani haqida xabar tarqalgandi.