"Реал Мадрид" ёзги трансфер бозорини ларзага келтиришга қарор қилди.

Diario Gol тарқатган хабарга кўра, Пауло Дибала ва "Ювентус" мадридликлардан рад қилиб бўлмас даражада таклиф олган. "Қироллик клуб" аргентиналик футболчи учун 125 миллион евро ажратиб қўйган. Шундан 45 миллион евроси бонус сифатида тўлаб берилади.

"Ювентус" раҳбарияти аввалроқ 23 ёшли футболчини сотиш нияти йўқлигини айтган бўлса-да, Пауло жамоаси билан янги шартнома тузса ҳам, "қаймоқранглилар" ҳужумчини ёзда сотиб олишга қатъий қарор қилишган.

"Реал" Дибалани харид қилиш орқали "Ювентус"дан "Манчестер Юнайтед"га 105 миллион евро эвазига ўтган Поль Погбага тегишли рекордни йўққа чиқармоқчи.

Эслатиб ўтамиз, "Реал" ўз вақтида Луиш Фигу, Зайниддин Зидан, Кака, Криштиану Роналду ва Гарет Бейлни сотиб олиб, жаҳоннинг трансфер рекордларини янгилаб борган.

Аввалроқ "Барселона" Дибалага Месси-Суарес-Неймар ҳужум учлиги ёнидан жой топиб бериб, футболчини "Реал"га эмас, Каталонияга ўтишга кўндиришга ҳаракат қилаётгани ҳақида хабар тарқалганди.