“Qo‘qon-1912” futbolchisi Bahodir Pardayev Janubiy Koreyaning “Bucheon 1995” jamoasi a’zosiga aylandi.

Bu haqida "Qo‘qon-1912" rasmiy sayti xabar bermoqda.

"Mavsum boshida hujumchi bilan tuzilgan shartnomada agar unga xorij klublardan taklif tushsa, uni qo‘yib yuborish mumkin, degan band bor edi, - deyiladi xabarda. - Qolaversa, Pardayevning kelajagini uylab ham shunday qarorga kelindi. Axir o‘yinchilarimizga har doim ham bunday imkoniyat bo‘lmasligi mumkin. Shu tariqa, o‘zbekistonlik legioner futbolchilar soni yana bittaga ko‘paydi.

O‘z navbatida “Qo‘qon-1912” futbol klubi Bahodir Pardayevga jamoamizda faoliyati uchun minnatdorchilik izhor etadi va uning kelajakdagi ishlariga omad tilab qoladi.

Ma’lumot uchun, “Bucheon 1995” klubi Koreyaning “K League Challenge” divizionida ishtirok etadi. Bu mamlakatdagi ikkinchi darajali liga hisoblanadi.