31 mart kuni "Paxtakor" Oliy liganing 4-turida "Mash’al" bilan safarda maydonga tushadi.

Muborakliklar tarkibida hujumchi Zohir Qo‘ziboyev jarohat sababli o‘ynay olmaydi. "Paxtakor" safida bunday yo‘qotish mavjud emas.

Oliy ligada jamoalar 32 uchrashuvda to‘qnash kelishgan. Ularda toshkentliklar 22 g‘alaba, 6 durang va 4 mag‘lubiyat qayd etishgan. Raqib darvozasi 62 marta ishg‘ol qilingan. "Mash’al" esa 20 to‘p kiritgan. O‘tgan mavsum Muborakda kechgan bellashuvda hisob ochilmagandi.

O‘yinni Viktor Serazetdinov boshchiligidagi hakamlar guruhi boshqarib boradi. Unga Ma’mur Saidqosimov va Rishat No‘’monov yordam beradi.

"MASH’AL" - "PAXTAKOR"
Hakamlar: Viktor Serazetdinov (Toshkent), Ma’mur Saidqosimov (Toshkent), Rishat No‘’monov (Toshkent), Baxtiyor Yo‘lcharayev (Guliston).
Nazoratchi: Dmitriy Roman (Toshkent).
PFL vakili: Vladimir Shtern.

Yoshlar jamoalari bellashuvi 30 mart, payshanba kuni 15:30da boshlanadi. Asosiy tarkiblar uchrashuvi 31 mart, juma kuni 16:30da Bahrom Vafoyev nomidagi stadionda start oladi.