Sky Sports qiziq statistikani taqdim etdi. Olib borilgan tadqiqot shuni ko‘rsatdiki, so‘nggi 6 yil ichida «Arsenal» va «Manchester Yunayted» futbolchilari eng ko‘p jarohat olishgan ekan.

2011/2012 yilgi mavsumdan boshlab «Arsenal» futbolchilari jami 10285 kunni jarohatni davolashga sarflashgan. "MYU"da bu ko‘rsatkich 9600 kunnni tashkil qilgan.

Uchinchi o‘rinni «Everton» egallagan — 8058 kun. Shaharning boshqa jamoasi «Liverpul» futbolchilarning davolanishi uchun 8044 kunni sarf qilgan.

E’tiborli tomoni, APLning eng kam jarohatga duchor bo‘ladigan jamoasi «Chelsi» ekan — 4559 kun.

Ushbu mavsumda jarohatdan eng ko‘p aziyat chekayotgan jamoalari quyidagilar: «Sanderlend» (1761), «Vest Xem» (1574), «Xall Siti» (1434), «Uotford» (1388) va «Kristal Peles» (1385). Futbolchilari eng kam jarohat olayotgan jamoa «Vest Bromvich» - 389 kun.

Futbolchilar orasida jarohat tufayli eng ko‘p vaqtni o‘tkazib yuborgan o‘yinchi — «Bornmut» yarim himoyachisi Jek Uilshir (884).