Ertaga, 31 mart kuni Oliy liganing 4-turidan o‘rin olgan "Lokomotiv" - "Olmaliq" bahsi bo‘lib o‘tadi. TTZdagi "Lokomotiv" stadionida kechadigan uchrashuv 18:00da start oladi.
"Lokomotiv" maydonida bo‘lib o‘tgan oxirgi beshta o‘yinni yodga oladigan bo‘lsak, "temiryo‘lchilar" "Olmaliq"ni faqat mag‘lub etib kelishmoqda. To‘plar nisbati 16-3.
Mana shu beshta uchrashuvda raqib darvozasiga eng ko‘p gol urgan futbolchi Marat Bikmayev hisoblanadi (3ta gol). U o‘tgan yil "Olmaliq"qa ikkita, undan oldingi yil esa bitta gol urgan. Bundan tashqari, Sadriddin Abdullayev hisobida ikkita, shuningdek o‘z vaqtida jamoamizda o‘ynab ketgan Farhod Tojiyev hisobida ham ikkita gol bor.
Quyida "Lokomotiv" tarkibida "Olmaliq" darvozasiga oxirgi besh o‘yinda to‘p kiritgan futbolchilarni keltirib o‘tamiz.
Marat Bikmayev - 3
Sadriddin Abdullayev - 2
Farhod Tojiyev - 2
Ikrom Aliboyev - 1
Timur Kapadze - 1
Oleg Zoteev - 1
Server Jeparov - 1
Mo‘ydin Mamazulunov - 1
Jasur Hasanov - 1
Viktor Karpenko - 1
Zayniddin Tojiyev - 1
Islom Inomov - 1
