Oliy Liga 4-turida “Lokomotiv” “Olmaliq”qa qarshi bahs olib bordi va yirik – 5:0 hisobida g‘alabaga erishdi.
O‘yindan so‘ng o‘tkazilgan matbuot anjumanida “Loko” ustozi Andrey Miklyayev quyidagicha fikr bildirib o‘tdi:
"Qayd etilgan natijadan mamnunmiz. Bugun o‘yinimiz juda ham qovushdi va natijada birin-ketin gollar kiritishni uddaladik. Muhammadiyev va Kapadzeda jarohat bor ekani sabab ular bugun bizga yordam bera olishmadi. Bugun barcha yaxshi harakat qildi. Yigitlar ancha mazmunli o‘yin namoyish etishdi va berilgan topshiriqlarni maydonda yaxshi bajara olishdi. Ayniqsa, Ikrom Aliboyevning o‘yini ancha mazmunli chiqdi. U uzoq muddatli jarohatdan so‘ng safga qaytdi. Umid qilamanki, keyingi uchrashuvlarda ham mana shunday yoqrin o‘yinlar guvohiga aylanamiz" - deydi tajribali mutaxassis.
