Oliy Liga 4-tur yakunlariga ko‘ra, Samarqandda o‘tgan «Dinamo» - «Navbahor» (0:1) uchrashuvi eng ko‘p tomoshabin to‘plagan bahs bo‘ldi.
PFL ma’lumotlariga ko‘ra, «Dinamo» stadionida o‘tgan turning markaziy o‘yinida 13 105 tomoshabin tashrif buyurgan. Bu tur doirasidagi eng ko‘p muxlis tashrif buyurgan o‘yindir. E’tiborlisi shu kuni stadion sig‘imi sababli, 5 mingga yaqin muxlis o‘yingoh tashqarisida qolib ketdi.
Eslatib o‘tamiz, 2-tur doirasidagi Samarqandda o‘tgan «Dinamo» - «Sho‘rtan» (3:0) uchrashuvida 10 138 tomoshabin tashrif buyurib, bahs 2-turning eng ko‘p muxlis to‘plagan o‘yini bo‘lgan edi.
Shuningdek, 4-tur doirasida Navoiyda o‘tgan «Qizilqum» - «Buxoro» uchrashuvida ham 10 103 tomoshbin tashrif buyurgan. Farg‘onadagi «Vodiy derbisi»da esa 4263 nafar tomoshabin to‘plangan.
4-tur uchrashuvlari tashrifi bilan tanishing:
«Dinamo» (Samarqand) – «Navbahor» (Namangan) – 0:1. 13 105 tomoshabin.
«Qizilqum» (Navoiy) – «Buxoro» (Buxoro)– 0:1. 10 103 tomoshabin.
«Neftchi» (Farg‘ona) – «Qo‘qon-1912» (Qo‘qon)– 1:2. 4263 tomoshabin.
«Nasaf» (Qarshi) – «So‘g‘diyona» (Jizzax)– 4:0. 4122 tomoshabin.
«Mash’al» (Muborak) – «Paxtakor» (Toshkent)– 3:0. 3447 tomoshabin.
«Lokomotiv» (Toshkent) – «Olmaliq» (Olmaliq) – 5:0. 1252 tomoshabin.
«Metallurg» (Bekobod) - «Sho‘rtan» (G‘uzor) – 4:2. 936 tomoshabin
«Obod» (Toshkent) – «Bunyodkor» (Toshkent)– 1:1. 721 tomoshabin.
