"Liverpul" jamoasi hujumchisi Sadio Mane tizzasidagi jarohat tufayli bu mavsum boshqa maydonga tushmasligi mumkin.
Mersisaydliklar futbolchisi "Everton"ga qarshi bahsning ikkinchi taymida jarohat olib, Divok Origiga almashtirilgan edi.
Bugun tekshiruv natijalaridan keyin aniq xulosa chiqishi kerak. Lekin Sadio Mane yaqin kunlar davomida jamoasiga Chempionlar ligasi yo‘llanmasi uchun kurashda yordam bera olmasligi aniq. Futbolchining jarohat olgan oyog‘idagi shish hali ham qaytmagan. Ayni shu sabab tekshirish ishlarini ham to‘laqonli darajada o‘tkazish imkoni bo‘lmasligi mumkin.
Hozircha Mane "Bornmut"ga qarshi bahsda maydonga tushmasli aniq bo‘lib turibdi. Bu haqida jamoa bosh murabbiyi Yurgen Klopp aytib o‘tdi. U shuningdek, senegallik futbolchining jarohati jiddiy bo‘lib chiqmasligini va Mane tezroq safga qaytishini tiladi.
24 yoshli Sadio bu mavsumda "Liverpul"ning eng muhim futbolchilaridan bo‘lib turibdi. U APLning 27ta turida maydonga tushib 13ta gol urishga muvaffaq bo‘ldi.
