"Barselona" va Argentina terma jamoasi hujumchisi Lionel Messi muvaffaqiyatlarga erishish uchun nimalarni qurbon qilgani haqida so‘zlab berdi.

"Yuqori saviyali futbolchi bo‘lish uchun hayotda ba’zi narsalarni qurbon qilishga to‘g‘ri kelgan. Lekin o‘z oilasiga baxtli hayotni ta’minlash uchun harakat qiladigan ba’zi erkaklar kabi ko‘p narsalarni emas. Bolaligimdanoq uydan tashqarida, oilamsiz, aka-ukalarimsiz va do‘stlarimsiz yashashga majbur bo‘lganman. Qiyin bo‘lgan, ammo men o‘z yo‘limni tanlab olgandim.

Tanqid meni qiziqtirmaydi. Hozir futbolchilar doimiy bosim ostida ekanini barcha biladi. Argentina terma jamoasi ishqibozlarini tushunaman. Ular qandaydir sovrin yutishimizni so‘rashadi, lekin biz buni ulardan kam istamaymiz", – dedi Messi.