Braziliyaning «Shapekoense» klubi Janubiy Amerika Superkubogi uchun birinchi bahsda Kolumbiyaning «Atletiko Nasyonal» klubini yengdi.
Shapekodagi «Arena Konda» stadonida kechgan uchrashuv mezbonlarning 2:1 hisobidagi g‘alabasi bilan yakunlandi. Javob uchrashuvi Medelinda, 11 may kuni bo‘lib o‘tadi.
Janubiy Amerika Superkubogi Libertadores Kubogi g‘olibi va Janubiy Amerika Kubogi g‘olibi o‘rtasida o‘ynaladi. Libertadores Kubogida «Atletiko Nasyonal» g‘olib chiqqan, Janubiy Amerika Kubogi «Shapekoense»ga berilgan.
Eslatib o‘tamiz, o‘tgan yili noyabr oyida «Shapekoense»ning deyarli barcha futbolchilari aviahalokatda nobud bo‘lgandi.
Janubiy Amerika Superkubogi, dastlabki o‘yin
«Shapekoense» (Braziliya) — «Atletiko Nasyonal» (Kolumbiya) — 2:1 (1:0)
Gollar: Reynaldo, 24, pen (1:0), Torres, 59 (1:1), Luis Otavio, 74 (2:1).
