Бразилиянинг «Шапекоэнсе» клуби Жанубий Америка Суперкубоги учун биринчи баҳсда Колумбиянинг «Атлетико Насьональ» клубини енгди.

Шапекодаги «Арена Конда» стадонида кечган учрашув мезбонларнинг 2:1 ҳисобидаги ғалабаси билан якунланди. Жавоб учрашуви Медельинда, 11 май куни бўлиб ўтади.

Жанубий Америка Суперкубоги Либертадорес Кубоги ғолиби ва Жанубий Америка Кубоги ғолиби ўртасида ўйналади. Либертадорес Кубогида «Атлетико Насьональ» ғолиб чиққан, Жанубий Америка Кубоги «Шапекоэнсе»га берилган.

Эслатиб ўтамиз, ўтган йили ноябрь ойида «Шапекоэнсе»нинг деярли барча футболчилари авиаҳалокатда нобуд бўлганди.

Жанубий Америка Суперкубоги, дастлабки ўйин

«Шапекоэнсе» (Бразилия) — «Атлетико Насьональ» (Колумбия) — 2:1 (1:0)

Голлар: Рейналдо, 24, пен (1:0), Торрес, 59 (1:1), Луис Отавио, 74 (2:1).