"Tottenhem" bosh murabbiyi Maurisio Pochettino APLning 31-turida "Suonsi" ustidan qozonilgan g‘alabadan so‘ng (3:1) fikrlari bilan o‘rtoqlashdi.

Londonliklar 88-daqiqagacha 0:1 hisobida yutqazayotgan edilar, ammo qolgan vaqtda uchta gol urishni uddaladilar.

"O‘yinni yaxshi boshlagandik, birnechta vaziyatlar yaratdik. Ammo keyin gol o‘tkazib yubordik. Shundan so‘ng yanada kuchliroq o‘ynashimiz kerakligini tushundik. O‘yin oxirida shuncha gol urishimiz aqlga sig‘maydi, ammo biz eng oxirgacha bosim uyushtirdik, vaziyatlar yaratdik. O‘yin qiyin bo‘ldi, ammo iz xarakter ko‘rsatdik.

Biz "Tottenhem" uchun o‘ynaymiz. Bu mavsum bizning jamoa ekanimizni ko‘rsatdi. Odamlar klub tarixi haqida nima deyishlari yoki nima o‘ylashlarining menga farqi yo‘q. Biz yana chempionlik uchun kurashyapmiz", - deydi Pochettino.