Samarqadning «Dinamo» futbol klubi sobiq futbolchisi Sirojiddin Sayfiyev saraton kasali bilan kurashyapti.

Bu voqeadan xabar topgan Toshkentning «Lokomotiv» futbol klubi futbolchilari #bizsenbilansiroj heshtegi fonida suratga tushdi. Ma’lum qilinishicha, jamoaning Osiyo Chempionlar ligasi 4-turidan olgan o‘yinidan tushgan pullar Sirojiddin Sayfiyevni qo‘llab-quvvatlash aksiyasiga safarbar etiladi.

11 aprel kuni O‘zbekistonning amaldagi chempioni o‘z maydonida Eronning «Istiqlol» klubini qabul qiladi. Uchrashuv chiptalaridan tushgan pullar sobiq futbolchining tuzalishi uchun yo‘naltiriladi. Ya’ni, shu kuni stadionga tushgan har bir muxlisda Sirojiddin Fayziyevni qo‘llab-quvvatlash imkoniyati bo‘ladi.

Bundan tashqari, klub sardori Timur Kapadze boshchiligida «Lokomotiv» futbolchilarining o‘zi ham Sirojiddin Sayfiyevga alohida pul yig‘ishni boshlagan. Ularning barchasi sobiq futbolchini qo‘llab-quvvatlash istagini bildirgan.