"Chelsi" va "Manchester Siti" uchrashuvidan so‘ng (2:1) stadion binosi ichida jamoalar murabbiylar shtabi o‘rtasida janjal kelib chiqqan.
The Telegraph xabariga ko‘ra, janjal "Chelsi"ning jismoniy tayyorgarlik bo‘yicha murabbiyi Paolo Bertelli va "Siti" massajchisi Mark Sertori o‘rtasidagi kelishmovchilikdan so‘ng boshlangan. Ular o‘yin davomida tortishib borishgan
O‘z shtabi a’zosini Xosep Gvardiola himoya qilgan, Bertellining so‘zlaridan so‘ng ispaniyalikning jahli chiqib ketgan. Ish qo‘l ko‘tarishgacha bormagan, ammo Gvardiola jamoasining kiyinish xonasiga tez yo‘l olmagan.
Antonio Konte janjaldan bexabar qolgan, chunki u o‘yindan keyinoq kiyinish xonasiga yo‘l olgan.
