Oliy liganing 5-turida "Paxtakor" "Metallurg"dan kichik hisobda ustun keldi.   Ravshan Haydarov boshchiligida maydonga tushgan "Paxtakor" 12-daqiqada hisobni ochdi. O‘ng qanotdan Karimovning darvoza oldiga oshirgan to‘pini Andreev boshi bilan darvozaga yo‘lladi. To‘p ustunga tegib qaytdi va unga birinchi bo‘lib yetib kelgan Hakimov osonlik bilan mehmonlar darvozasini ishg‘ol qildi - 1:0.   Birinchi bo‘limda har ikki jamoada gol urish uchun imkoniyatlar yuzaga keldi, ammo futbolchilar ulardan foydalana olishmadi. Tanaffusdan keyin keskin holatlar unchalik ko‘p sodir bo‘lmadi. Shu tariqa "Paxtakor" 3 turlik golsiz va g‘alabasiz seriyasiga chek qo‘ydi.   "PAXTAKOR" - "METALLURG" - 1:0 (1:0) 7 aprel. Toshkent. "Paxtakor" stadioni. 1112 tomoshabin. Hakamlar: SH.Qosimov - 8,8. R.Fozilov - 8,7. M.Majidov - 8,7. Nazoratchi: A.Klepikov. "Paxtakor": Lobanov, Kozak, Oraxovas, Bulyat, D.Hoshimov, A.Ahmedov, Ismatullayev, Andreev (Nurullayev, 62), Iskanderov, SH.Karimov (Alijonov, 90+4), Hakimov (YAxshiboyev, 78). "Metallurg": S.Sultonov, H.Hoshimov, D.Karimov, Odilov (Usmonov, 84), Toshmatov (Ismoilov, 58), Karimqulov, Abdullayev, Sulaymonov, Isoqjonov (Qodirqulov, 74), Qobilov, Abdumo‘minov. Gol: Hakimov, 12 - 1:0. Ogohlantirishlar: D.Karimov, 39. Odilov, 68. Iskanderov, 68.