Bugun O‘zbekiston termasi tennischilari Bangalor shahrida, Hindistonga qarshi Devis Kubogi doirasidagi bahslarga kirishdi.
Afsuski, hamyurtlarimiz har ikkala bahsda ham mag‘lub bo‘lib, birinchi kundan so‘ng 0:2 hisobida ortda qola boshladi. Endi keyingi bosqichga chiqish uchun o‘zbekistonliklar qolgan uch bahsda ham g‘alaba qozonishlari shart.
Devis kubogi, 1 guruh
Yakka bahslar
Ramanatan (Hindiston) – Temur Ismailov (O‘zbekiston) – 3:1 (6:2, 5:7, 6:2, 7:5)
Ganneshvaran (Hindiston) – Sanjar Fayziyev (O‘zbekiston) – 3:1 (7:5, 3:6, 6:3, 6:4)
Ertaga juftlik bahsi o‘tkaziladi. Unda Naranayasvani/Bopanna juftligi Do‘stov/Fayziyev juftligi bilan bellashadi.
