Argentina termasi sobiq fizioterapevti Karlos Dibos milliy jamoadagi tashkiliy ishlar va himoyachi Xavyer Maskeranoni tanqid ostiga oldi.

«Avvalo, jamoada tanish-bilishchilikka chek qo‘yish kerak. Deylik, biz shunday munosabat tufayli ishdan ketdik, bu - og‘riqli masala.

Argentina termasida o‘ynashga nomunosib  7-8 nafar o‘yinchi bor. Biroq Maskerano o‘z do‘stlarini tarkibga tirkamoqda. Messi esa yetakchi emas. Har bir futbolchining murabbiy ishiga aralashishi noto‘g‘ri. Bunga faqat jamoaning barcha og‘irligi, tashvishini bo‘yniga oladigan o‘yinchi haqli. Maradona aynan shunday edi.

Diyego jamoa futbolkasi barcha argentinaliklarga tegishli ekanligini teran his qilardi. Messi esa buni to‘liq his qilmaydi, menimcha»,- dedi Dibos.