Аргентина термаси собиқ физиотерапевти Карлос Дибос миллий жамоадаги ташкилий ишлар ва ҳимоячи Хавьер Маскеранони танқид остига олди.

«Аввало, жамоада таниш-билишчиликка чек қўйиш керак. Дейлик, биз шундай муносабат туфайли ишдан кетдик, бу - оғриқли масала.

Аргентина термасида ўйнашга номуносиб  7-8 нафар ўйинчи бор. Бироқ Маскерано ўз дўстларини таркибга тиркамоқда. Месси эса етакчи эмас. Ҳар бир футболчининг мураббий ишига аралашиши нотўғри. Бунга фақат жамоанинг барча оғирлиги, ташвишини бўйнига оладиган ўйинчи ҳақли. Марадона айнан шундай эди.

Диего жамоа футболкаси барча аргентиналикларга тегишли эканлигини теран ҳис қиларди. Месси эса буни тўлиқ ҳис қилмайди, менимча»,- деди Дибос.