O‘zbekiston U-19 qizlar terma jamoasi 2 va 4 may kunlari Toshkentda Ozarbayjon qizlariga qarshi o‘rtoqlik o‘yinlari o‘tkazadi.

Mazkur o‘rtoqlik o‘yinlari o‘zbekistonlik futbolchi qizlar uchun U-19 Osiyo chempionati–2017 musobaqasiga tayyorgarlik vazifasini o‘taydi.

Eslatib o‘tamiz, qizlar o‘rtasidagi U-19 Osiyo chempionati–2017 musobaqasi 14–28 oktyabr kunlari Xitoyda bo‘lib o‘tadi.

Turnir yakuniga ko‘ra 1–3 o‘rinlarni egallagan terma jamoalar ayollar o‘rtasidagi U-20 Jahon chempionati–2018 yo‘llanmasiga ega bo‘ladi.