"Chelsi" yarim himoyachisi Sesk Fabregas noqulay vaziyatga tushib qoldi. Futbolchi Londondagi parklardan birida to‘p tepayotganida bexosdan 6 oylik chaqaloqqa zarba berib yubordi.

Shundan so‘ng Fabregas parkni tezda tark etdi. Ammo chaqaloqning onasi "Chelsi" futbolchisi ustidan sudga shikoyat qildi.

Natijada sud Sesk Fabregasdan 165 ming funt miqdorida pul undirish haqida qaror chiqardi. Onaning aytishicha, bolani shifoxonada tibbiy ko‘rikdan o‘tkazish uchun 540 funt sarflagan. Qolgan mablag‘ esa bolani keyingi tibbiy xarajatlari va ma’naviy zararni qoplash sifatida undirilgan.

Bundan tashqari, onaning ta’kidlashicha, Sesk Fabregas ushbu parkda to‘p tepish huquqiga ega bo‘lmagan. Ushbu parkda to‘p o‘ynash taqiqlangan bo‘lgan. Bu haqda parkka kirish joyida ma’lumot ilib qo‘yilgan bo‘lgan.

Hozircha futbolchining o‘zi ushbu voqea yuzasidan izoh bermadi.