Bugun "Navbahor" o‘rinbosarlari Yoshlar birinchiligi 6- tur o‘yinlari doirasida "Metallurg" klubidagi tengqurlariga qarshi o‘zaro kuch sinashishdi.
Ketma-ket beshta g‘alabasiz o‘yinlardan so‘ng namanganliklar safardan uch ochko bilan qaytishni uddasidan chiqishdi.
Birinchi bo‘limda maydon egalari hisobni ochishga muvaffaq bo‘lishdi. Bosh hakam namanganliklar darvozasiga penalti belgiladi. 11 metrli jarima zarbasini garchi darvozabon Obidjonov qaytargan bo‘lsa-da, qaytgan to‘pni Ulug‘bek Xudoyorov darvozaga kiridi. Bu gol tanaffusga qadar yagonaligicha qoldi.
Uchrashuvning ikkinchi yarmini esa "yosh navbahorchilar" hujumkor ruhda o‘tkazib to‘rt marotaba raqib darvozasini ishg‘ol etishdi. Biroq, faqatgina ikkita gol inobatga olindi. Hakamlar brigdasi gollaridan biri o‘yindan tashqari xolatdan urildi deb topishgan bo‘lishsa, yana bir vaziyatda to‘p darvoza chizig‘ini kesmadi deb hisoblashdi.
Shunga qaramay yosh namanganliklar safardan g‘alaba bilan qaytishining ilojini topishdi. Qanotlardan tashkil qilingan hujumlar futbolchilarga samara keltirdi. Zaxiradan maydonga tushgan Ilhom Aliboyevning va Abdulaziz Nishonboyevning bosh bilan urgan gollari yakunda Shuhrat Qoraboyev shogirdlariga uch ochkoni ta’minladi.
"Metallurg" - "Navbahor" - 1:2 (1:0). 14 aprel. Bekobod. "Kimyogar" o‘yingohi.
"Metallurg": Timur To‘ychiyev, Asomiddin Abdurahmonov, Azamjon Samijonov, Ulug‘bek Xudoyorov, Muhammadodil Sultonov, Umid Rahimov, Abrorbek Toshqo‘ziyev, Xudoyshukur Sattorov, Zuhrillo Boboyev, Zokirjon Ahmadjonov, Muhammad Azam Nurmatov.
"Navbahor": 1. Isroil Obidjonov, 4. Javohir Olimjonov, 5. Timur Tolipov (2. Bilol Toshmirzayev, 46), 8. Ravshan Xursanov (3. Yunus Abduvohidov, 70), Shaxzodbek Hamidov, 16. Ahmad Mamadaliyev (70. Ilhom Aliboyev, 46), 17. Ilhom Boydedayev, 22. Abduaziz Sultonov, 30. Iskandar Sidiqjonov, 48. Akbarali Xoldorov (26. Islom Abduqodirov, 75), 77. Abdulaziz Nishonboyev,
Gollar: U. Xudoyorov (29) - I. Aliboyev (86), A. Nishonboyev (88).
Amalga oshirilmagan penalti: U. Xudoyorov (29).
Chetlatish: X. Sattorov.
