Бугун "Навбаҳор" ўринбосарлари Ёшлар биринчилиги 6- тур ўйинлари доирасида "Металлург" клубидаги тенгқурларига қарши ўзаро куч синашишди.
Кетма-кет бешта ғалабасиз ўйинлардан сўнг наманганликлар сафардан уч очко билан қайтишни уддасидан чиқишди.
Биринчи бўлимда майдон эгалари ҳисобни очишга муваффақ бўлишди. Бош ҳакам наманганликлар дарвозасига пенальти белгилади. 11 метрли жарима зарбасини гарчи дарвозабон Обиджонов қайтарган бўлса-да, қайтган тўпни Улуғбек Худоёров дарвозага кириди. Бу гол танаффусга қадар ягоналигича қолди.
Учрашувнинг иккинчи ярмини эса "ёш навбаҳорчилар" ҳужумкор руҳда ўтказиб тўрт маротаба рақиб дарвозасини ишғол этишди. Бироқ, фақатгина иккита гол инобатга олинди. Ҳакамлар бригдаси голларидан бири ўйиндан ташқари холатдан урилди деб топишган бўлишса, яна бир вазиятда тўп дарвоза чизиғини кесмади деб ҳисоблашди.
Шунга қарамай ёш наманганликлар сафардан ғалаба билан қайтишининг иложини топишди. Қанотлардан ташкил қилинган ҳужумлар футболчиларга самара келтирди. Захирадан майдонга тушган Илҳом Алибоевнинг ва Абдулазиз Нишонбоевнинг бош билан урган голлари якунда Шуҳрат Қорабоев шогирдларига уч очкони таъминлади.
"Металлург" - "Навбаҳор" - 1:2 (1:0). 14 апрель. Бекобод. "Кимёгар" ўйингоҳи.
"Металлург": Тимур Тўйчиев, Асомиддин Абдураҳмонов, Азамжон Самижонов, Улуғбек Худоёров, Муҳаммадодил Султонов, Умид Раҳимов, Аброрбек Тошқўзиев, Худойшукур Сатторов, Зуҳрилло Бобоев, Зокиржон Аҳмаджонов, Муҳаммад Азам Нурматов.
"Навбаҳор": 1. Исроил Обиджонов, 4. Жавоҳир Олимжонов, 5. Тимур Толипов (2. Билол Тошмирзаев, 46), 8. Равшан Хурсанов (3. Юнус Абдувоҳидов, 70), Шахзодбек Ҳамидов, 16. Аҳмад Мамадалиев (70. Илҳом Алибоев, 46), 17. Илҳом Бойдедаев, 22. Абдуазиз Султонов, 30. Искандар Сидиқжонов, 48. Акбарали Холдоров (26. Ислом Абдуқодиров, 75), 77. Абдулазиз Нишонбоев,
Голлар: У. Худоёров (29) - И. Алибоев (86), А. Нишонбоев (88).
Амалга оширилмаган пенальти: У. Худоёров (29).
Четлатиш: Х. Сатторов.
