Italiyaning “Kyevo”va “Palermo” klubi sobiq bosh murabbiyi Juzeppe Sannino Paulo Dibalaning harakatlariga baho berib o‘tdi.
Juzeppe “Yuventus” hujumchisining o‘yin uslubi Messinikiga o‘hshab ketishi haqida ham fikr bildirdi.
“Zamparini Dibala va Messi orasidagi farqni to‘g‘ri topgan. Ular bir – biriga juda o‘hshab ketadi.
Pauloning Messiga qarshi o‘ynashini ko‘rish menda yoqimli taasurot qoldirdi. Dibala 18 yoshda texnika ko‘rsatish bo‘yicha o‘zga sayyoralikga qiyoslangan edi. Endi uni dunyoning eng yaxshi futbolchisiga tenglashtirishmoqda.
Dibala Italiyaga kelgan vaqtda uning hayolida faqat katta sovrinlarni qo‘lga kiritish fikri kezib yurganini sezgandim. Asosiysi – u yuqori iqtidor sohibi sanaladi. Agar Dibala faoliyatini shunday davom ettirsa uning bir necha yillardan so‘ng dunyoning eng yaxshi futbolchisi bo‘lib yetishiga shubham yo‘q”, – deydi Sannino Tuttosport nashriga bergan intervyusida.
