Италиянинг “Кьево”ва “Палермо” клуби собиқ бош мураббийи Жузеппе Саннино Пауло Дибаланинг ҳаракатларига баҳо бериб ўтди.

Жузеппе “Ювентус” ҳужумчисининг ўйин услуби Мессиникига ўҳшаб кетиши ҳақида ҳам фикр билдирди.

“Зампарини Дибала ва Месси орасидаги фарқни тўғри топган. Улар бир – бирига жуда ўҳшаб кетади.

Паулонинг Мессига қарши ўйнашини кўриш менда ёқимли таасурот қолдирди. Дибала 18 ёшда техника кўрсатиш бўйича ўзга сайёраликга қиёсланган эди. Энди уни дунёнинг энг яхши футболчисига тенглаштиришмоқда.

Дибала Италияга келган вақтда унинг ҳаёлида фақат катта совринларни қўлга киритиш фикри кезиб юрганини сезгандим. Асосийси – у юқори иқтидор соҳиби саналади. Агар Дибала фаолиятини шундай давом эттирса унинг бир неча йиллардан сўнг дунёнинг энг яхши футболчиси бўлиб етишига шубҳам йўқ”, – дейди Саннино Tuttosport нашрига берган интервьюсида.