O‘zbekiston U-19 terma jamoasi 16–21 aprel kunlari Serbiya poytaxti Belgrad shahrida o‘quv-mashg‘ulotlar yig‘inini o‘tkazadi. 

Yig‘in doirasida O‘zbekiston yoshlar termasi 18 va 20 aprel kunlari serbiyalik tengdoshlariga qarshi o‘rtoqlik o‘yinlari o‘tkazadi.

Jamoa bosh murabbiyi Aleksandr Mochinov Serbiyadagi yig‘inga 18 nafar futbolchini taklif qildi. Ularning orasida “Sementchi”dan ikki nafar yosh futbolchilari Raxmatilla Mirzaahmadov va Abbosbek Jumaqulov bor.

Quyida Mochinov Serbiyadagi yig‘inga taklif etgan futbolchilar bilan tanishingiz mumkin.

Darvozabonlar: Qilichev Javohir (“Bunyodkor”), Umidjon Ergashev (“Nasaf”);
Himoyachilar: Abubakr Mo‘ydinov (“Bunyodkor”), Ibrohim Yo‘ldoshev (“Paxtakor”), Rahmatilla Mirzaahmadov (“Sementchi”), Abdulaziz Yoqubov (“Andijon”), Dilshod Saidov (“Nasaf”)

Yarim himoyachilar: Kamron Saidazimov (“Paxtakor”), Suhrob Izzatov (“Bunyodkor”), Islom Kenjaboyev (“Nasaf”), Boburjon Asqarov (“Paxtakor”), Abbosbek Jumaqulov (“Sementchi”), Georgiy Ahmedov (“Paxtakor”), Oston Urunov (“Paxtakor”), Rasul Yo‘ldoshev (“Bunyodkor”), Xudoyorxon Sagdullayev (“Nasaf”);

Hujumchilar: Asadbek Sobirjonov (“Paxtakor”), Jahongir Abdusalomov (“Bunyodkor”).

Navbatdagi yig‘in O‘zbekiston U-19 terma jamoasining 2018 yili yoshlar o‘rtasida bo‘lib o‘tadigan Osiyo chempionati saralash bosqichiga tayyorgarlik rejasidan o‘rin olgan. Saralash bosqichi uchrashuvlari shu yilning 31 oktyabr – 8 noyabr kunlari bo‘lib o‘tadi.