Yarim o‘rta vazn toifasida ishtirok etayotgan professional bokschimiz Shohjahon Ergashev yangi jang oldidan mashg‘ulotlarga zo‘r bergan.
Nokautchi bokschimiz 30 aprel kuni o‘zining o‘ninchi jangini o‘tkazadi. Uning raqibi amerikalik bokschi bo‘ladi. Ushbu jang Rossiyaning Sochi shahrida o‘tkaziladi va oqshomning markaziy jangi maqomida bo‘ladi.
Shohjahon Ergashev ayni paytda Toshkent viloyatining Yangiobod o‘quv-mashg‘ulot bazasida bo‘lajak jangga tayyorgarlik ko‘rmoqda. Kelasi hafta esa u Moskvaga jo‘nab ketadi.
Ma’lumot uchun, Shohjahon Ergashev bungacha 9 ta jang o‘tkazgan va ularning barchasida raqiblarini muddatidan oldin mag‘lubiyatga uchratgan.
