Ярим ўрта вазн тоифасида иштирок этаётган профессионал боксчимиз Шоҳжаҳон Эргашев янги жанг олдидан машғулотларга зўр берган.
Нокаутчи боксчимиз 30 апрел куни ўзининг ўнинчи жангини ўтказади. Унинг рақиби америкалик боксчи бўлади. Ушбу жанг Россиянинг Сочи шаҳрида ўтказилади ва оқшомнинг марказий жанги мақомида бўлади.
Шоҳжаҳон Эргашев айни пайтда Тошкент вилоятининг Янгиобод ўқув-машғулот базасида бўлажак жангга тайёргарлик кўрмоқда. Келаси ҳафта эса у Москвага жўнаб кетади.
Маълумот учун, Шоҳжаҳон Эргашев бунгача 9 та жанг ўтказган ва уларнинг барчасида рақибларини муддатидан олдин мағлубиятга учратган.
