"Bavariya" bosh murabbiyi Karlo Anchelotti YECHL chorak finalida "Real"ga qarshi javob uchrashuvi oldidan (18 aprel) fikrlari bilan o‘rtoqlashdi.

Myunxenliklar birinchi uchrashuvda o‘z maydonlarida 1:2 hisobida mag‘lub bo‘lgan edilar.

"Yo‘limizda davom etishimiz uchun qoyilmaqom o‘yin ko‘rsatishimiz kerak. Bizda bir hafta oldingiga qaraganda imkoniyat kam, ammo buni uddalashimiz mumkin. "Real"da ikki yil ishlaganman va o‘chmas xotiralarim qolgan.

Albatta, Levandovskining qo‘shilishi jiddiy yordam, ammo strategiyani o‘zgartirmaymiz. Biz butu mavsum davomida ko‘rsatgan o‘yinimizni o‘ynaymiz. Levandovski - ko‘p gol uradigan muhim futbolchi, u bizga ko‘proq ishonch bermoqda.

Eng muhimi - birinchi golni urish. Agar "Real" urib qo‘ysa, bu ham ahamiyatsiz, chunki baribir ikkita gol urishimiz kerak", - deydi Anchelotti.