"Бавария" бош мураббийи Карло Анчелотти ЕЧЛ чорак финалида "Реал"га қарши жавоб учрашуви олдидан (18 апрель) фикрлари билан ўртоқлашди.
Мюнхенликлар биринчи учрашувда ўз майдонларида 1:2 ҳисобида мағлуб бўлган эдилар.
"Йўлимизда давом этишимиз учун қойилмақом ўйин кўрсатишимиз керак. Бизда бир ҳафта олдингига қараганда имконият кам, аммо буни уддалашимиз мумкин. "Реал"да икки йил ишлаганман ва ўчмас хотираларим қолган.
Албатта, Левандовскининг қўшилиши жиддий ёрдам, аммо стратегияни ўзгартирмаймиз. Биз буту мавсум давомида кўрсатган ўйинимизни ўйнаймиз. Левандовски - кўп гол урадиган муҳим футболчи, у бизга кўпроқ ишонч бермоқда.
Энг муҳими - биринчи голни уриш. Агар "Реал" уриб қўйса, бу ҳам аҳамиятсиз, чунки барибир иккита гол уришимиз керак", - дейди Анчелотти.
