Oliy liganing 7-turida “Navbahor” G‘uzorning “Sho‘rtan” klubini qabul qiladi.
Jamoa a’zolari ikki kunlik dam olishdan so‘ng, “Sho‘rtan”ga qarshi o‘yinga tayyorgarlikni boshlab yuborishdi. Dastlabki mashg‘ulot kechki paytga rejalashtirilganligi sababli futbolchilar kunning ikkinchi yarmida klub qarorgohida to‘planishdi.
Eslatib o‘tamiz, “Sho‘rtan” bilan o‘yin 22 aprel kuni Namangandagi “Markaziy” o‘yingohda soat 17.00da boshlanadi. G‘uzorliklar bilan o‘tadigan uchrashuvni buxorolik hakam Ilgiz Tantashev boshqaradi.
