YECHL 1/4 finalining "Bavariya"ga qarshi javob uchrashuvida (4:2) "het-trik"ka erishgan "Real" hujumchisi Krishtianu Ronaldu o‘yin borasidagi fikrlari bilan o‘rtoqlashdi va muxlislarga murojaat qildi.
"Agar yaxshi o‘ynamasak "Bavariya" bizga gol urishini bilar edik. Ular ajoyib jamoa ekanliklarini yana bir marta ko‘rsatdilar, ammo Madrid bu — Madrid!
Biz kuchliroq bo‘ldik, bunga shubha yo‘q. Biz "Bavariya" darvozasiga ikkini o‘yinda olti gol urdik, bu oson emas. Biz haqli g‘alaba qozondik va keyingi bosqichga yo‘l oldik.
Muxlislardan bir narsani — men tomon hushtakbozlik qilmasliklarini so‘rayman. Men har doim qo‘limdan kelganini qilaman va bor kuchimni sarflayman", – dedi Ronaldu.
"Bavariya"ga qarshi ikki uchrashuvda Ronaldu 5 ta gol urdi, javob uchrashuvida esa bosh bilan va har ikki oyoqda gol urib, "xet-trik"ga erishdi. Tan olish kerak, gollarning so‘nggi ikkitasini u o‘yindan tashqari holatdan kiritgani ma’lum bo‘ldi.
