Oliy ligadan o‘rin olgan “Qo‘qon-1912”-“Metallurg” (3:0) uchrashuvidan keyingi matbuot anjumanida mehmonlar katta murabbiyi Odil Isaboyev ishtirok etdi.
"Avvalo qo‘qonlik muxlislarni ajoyib g‘alaba bilan tabriklayman. O‘yin borasida nima deyishim mumkin. Bir kishi kam bo‘lib qolgach, o‘yinimizda pasayish sezildi. Birinchi bo‘limda bir qator vaziyatga ega bo‘ldik. Lekin ulardan foydalana olmadik. Lekin tan olish kerak bugun “Qo‘qon-1912” jamoasi yaxshi o‘yin ko‘rsatdi. Jamoamiz xususida aytadigan bo‘lsak, vaziyatni o‘zgartirish uchun imkoniyatimiz yetarli deb o‘ylayman" - dedi Isaboyev.
