Oliy ligadan o‘rin olgan "So‘g‘diyona" - "Neftchi" (0:1) o‘rtasidagi bahsdan so‘ng, mehmonlar futbolchisi Abdurahmon Abdulhaqov o‘z fikrlarini aytdi.

"Bizni bellashuvga munosib tarzda tayyorlagan murabbiylarimizning mazkur muvaffaqiyatda hissasi katta bo‘ldi. Juda ham qiyin baxsda ishtirok etdik. Shu o‘rinda uzoq yul bosib Jizzaxga kelgan farg‘onaliklar muxlislar raxmat deyman. Albatta biz maydonda ularning daldasini sezib turdik. Jizzax jamoasi doimgidek o‘z maydonida munosib o‘yin ko‘rsatdi. Ularga keyin baxslarda omad tilayman. Bitta emas balki undan ko‘proq gol urishimiz xam mumkin edi. Afsuski, ko‘plab vaziyatlardan foydalana olmadik. Jamoaga g‘alaba keltirgan golni kiritganimdan xursandman. Mazkur natijadan jamoa yanada ruxlanib keyingi uchrashuvlarda xam g‘alabali seriyani davom ettirish lozim. Bu borada muxlislarimiz bizni qo‘llab turishsa jamoaga yanada madad bo‘ladi" - dedi futbolchi.