Osiyo chempionlar ligasining guruh bosqichi 5-turi doirasida "Bunyodkor" o‘z maydonida Saudiya Arabistonining "Al-Ahli" klubini qabul qildi. "Qaldirg‘ochlar" guruh bosqichidagi dastlabki ochkolarni qo‘lga kiritishdi. Afsuski, Lushchan shogirdlari 4-turdan keyinoq pley-offga chiqish imkoniyatidan mahrum bo‘lib ulgurishgandi.

"Bunyodkor" bugungi uchrashuvda juda chiroyli o‘tkazdi. Jamoaning hujumdagi harakatlari ancha yaxshi ko‘rinish oldi. Bahsning 8-daqiqasida Hamdamov o‘ng qanotdan yetkazgan uzatmani Akrom Komilov bosh bilan darvozasini ishg‘ol qildi.

Taymga qo‘shib berilgan daqiqalar o‘tib borayotganida mezbonlar qarshi hujum tashkil qilishdi. Sardor Azimovning zarbasidan keyin to‘p ustunga tegib qaytdi.

Ikkinchi bo‘limni jamoamiz asosan qarshi hujumda o‘tkazgan bo‘lsa-da, qarshi hujumda yaxshi imkoniyatlarga ega bo‘ldi. 54-daqiqaga kelib, "Bunyodkor" yana bir chiroyli golni raqib darvozasiga urishga muvaffaq bo‘ldi. Komilov chap qanotdan "Al-Ahli" jarima maydonchasi tashqarisiga uzatma berdi va Hamdamov bosh bilan to‘pni Shomurodovga yetkazdi. Eldor to‘pni ko‘kragi bilan o‘ziga bo‘ysundirdi va uni yerga tushirmasdan darvozaga joylab qo‘ydi.

O‘yin oxirigacha toshkentliklar yaxshi himoyalanishdi va g‘alabani o‘zlarida ushlab qolishdi. Shu tariqa, "Bunyodkor" guruh peshqadamini mag‘lub etdi va o‘z hisobiga dastlabki 3 ochkoni yozib qo‘ydi.

OCHL, "S" guruhi, 5-tur. 19:00
"BUNYODKOR" - "AL-AHLI" 2:0
Gollar: Akromjon Komilov (8), Eldor Shomurodov (54)
"Bunyodkor": 25.Murodjon Zuhurov, 2.Rustamjon Ashurmatov, 4.Akromjon Komilov, 10.Eldor Shomurodov, 17.Dostonbek Hamdamov, 19.Nurullo To‘xtasinov, 20.Sardorbek Azimov, 21.Dilshodbek Ahmadaliyev, 28.Davronbek Umirov, 29.Otabek Shukurov, 30.Xurshid G‘iyosov
"Al-Ahli": 1.YOsir al-Musaylim, 7.Salmon Muhammad, 8.Taysir al-Jassim, 9.Umar as-Soma, 10.Yoannis Fetfatzidis, 13.Muhammad Abdulshafiy, 21.Oqil ash-SHahabiy, 23.Sayid al-Muvallad, 25.Mo‘taz Havsaviy, 45.Abdulfattoh Asiriy, 55.Saad Abdulamir