«Atletik» bosh murabbiyi Ernesto Valverde hamon «Arsenal» klubining qiziqish doirasida turibdi.

Aprel oyining boshida «kanonirlar» mutaxassisga taklif jo‘natgan, ammo javob olmagan edi. Marca xabariga ko‘ra, yaqinda «Arsenal» vakillari yana bir bor 53 yoshli mutaxassis bilan bog‘lanishga urinib ko‘rgan. Hozircha uning qanday javob bergani haqida ma’lumot yo‘q.

Eslatib o‘tamiz, «Arsenal» bosh murabbiyi Arsen Vengerning shartnomasi yozda o‘z nihoyasiga yetadi. Avvalroq, Valverde bilan «Barselona» ham qiziqqan edi.