28-29 arpel kunlari oliy liga musobaqalari dorisada 8-tur uchrashuvlari bo‘lib o‘tadi. Ushbu turda “Buxoro” safarda Bekobodning “Metallurg” jamoasiga qarshi bahs olib boradi.
“Metallurg” va “Buxoro” oliy ligada jami 36 bor o‘zaro kuch sinashgan. O‘tkazilgan uchrashuvlarning 17 tasida bekobodliklar, 15 tasida buxoroliklar g‘alaba qozonishgan. Atigi 4 ta uchrashuvda durang qayd etilgan.
Qiziq tomoni, to‘plar nisbati bo‘yicha mutloq tenglik bo‘lib turibdi – 50:50. “Buxoro”ning “Metallurg” ustidan qozonilgan eng yirik g‘alabasi 4:0 bo‘lsa, “Metallurg”da bu ko‘rsatgich 3:0ga teng. Bu raqiblar o‘rtasida eng sermahsul uchrashuv 2014 yilgi mavsumda kuzatilgan. Bekobodda kechgan uchrashuvda jami 7 ta to‘p kiritilgan va yakunda mezbonlar 4:3 hisobida g‘alaba qozonishgan.
O‘zaro uchrashuvlarda “Metallurg” 55 ochkoni, “Buxoro” 49 ochkoni o‘z hisobiga yozib qo‘ygan.
FAKT: “Buxoro” o‘z tarixida Bekoboddan atigi ikki marta g‘olib sifatida qaytgan. Dastlabki g‘alaba 2015 yilgi mavsumning ikkinchi davrasida kuzatilgan. O‘sha uchrashuvda Melziddinov va Fominning gollari buxoroliklarning ilk g‘alabasini ta’minlagan. O‘tgan, 2016 yilgi mavsumda “Buxoro” Bekoboddan 2:1 hisobidagi g‘alaba bilan qaytgan. O‘sha uchrashuvda Chemirtan hisobni tenglashtirgan bo‘lsa, Shavkat Salomovning 90-daqiqada kiritgan goli “Buxoro”ning ketma-ket ikkinchi bor “Metallurg”ni safarda mag‘lub etishiga zamin yaratgan.
Bekobodda o‘tgan so‘nggi 5 ta uchrashuv:
24.09.2016 “Metallurg”-“Buxoro” 1:2
30.10.2015 “Metallurg”-“Buxoro” 1:2
22.08.2014 “Metallurg”-“Buxoro” 4:3
29.06.2013 “Metallurg”-“Buxoro” 2:1
13.05.2012 “Metallurg”-“Buxoro” 2:0
