Paragvayning «Resistensiya» klubi yangi stadion qurilishiga halaqit berayotgan daraxtni kesib tashlamadi.
Tribunani esa daraxtning tanasi atrofiga qurish haqida qaror qabul qilindi.
Paragvayning ikkinchi ligasida ishtirok etuvchi klub prezidentining gapiga ko‘ra, daraxtning soyasi quyosh jaziramasida muxlislar uchun yengillik tug‘diradi. Bundan tashqari, stadion ichi va atrofidagi boshqa daraxtlar ham kesilmaydi.
Asunsyon shahri ma’muriyati klubning bu qarorini olqishladi va unga «Tabiat oshnosi» degan unvonni berdi.
