O‘zbekiston milliy terma jamoasi hamda Xitoyning “Shanxay SIPG” klubi yarim himoyachisi Odil Ahmedov O‘zbekistondagi OAV vakillari orasida o‘tkazilgan so‘rovnomaga ko‘ra mamlakatning 2016 yildagi eng yaxshi futbolchisi deb topildi.
O‘zbekiston terma jamoasi sardori o‘tkazilgan so‘rov natijalariga ko‘ra eng yaqin ta’qibchilari – Qatarning “As-Sayliya” klubida to‘p surayotgan Temurxo‘ja Abduxoliqov hamda Moskvaning “Lokomotiv” klubi himoyachisi Vitaliy Denisovni ortda qoldirdi.
Qayd etish kerakki, Odil Ahmedov beshinchi marta O‘zbekistonda yilning eng yaxshi futbolchisi deya e’tirof etildi. Bungacha yarim himoyachi 2009, 2011, 2014 va 2015 yillarda O‘zbekistonda yil futbolchisi bo‘lgandi.
OAV vakillari ovoziga ko‘ra O‘zbekistonning eng yaxshi futbolchilari kuchli uchligi:
1. Odil Ahmedov (“Shanxay SIPG”, Xitoy) – 33 ochko
2. Temurxo‘ja Abduxoliqov (“As-Sayliya”, Qatar) – 22 ochko
3. Vitaliy Denisov (“Lokomotiv” Moskva, Rossiya) – 16 ochko
*Jurnalistlar (blogerlar) va klublar matbuot xizmati ovozi bitta guruh ostida birlashtirildi va jadvalda ularning ovozi “+1” qilib belgilandi.
2016 yilning eng yaxshi murabbiyi so‘rovnomasida Qarshining “Nasaf” futbol klubi ustozi Ro‘ziqul Berdiyev g‘olib bo‘ldi. “Lokomotiv” bilan O‘zbekiston chempioni va mamlakat Kubogi sohibiga aylangan Andrey Miklyayev ikkinchi o‘rinni, O‘zbekiston U-19 termasi bilan Osiyo chempionatida ishtirok etib, chorak finalga qadar yetib borgan Jasur Abduraimov uchinchi o‘rinni egalladi.
1. Ro‘ziqul Berdiyev (“Nasaf”) – 32 ochko
2. Andrey Miklyayev (“Lokomotiv” Toshkent) – 2
3. Jasur Abduraimov (O‘zbekiston U-19) – 13 ochko
Ovoz berish jarayonida quyidagi OAV tashkilotlari hamda jurnalistlar (blogerlar) va klublar matbuot xizmati ishtirok etdi.
