Oliy liganing 8-turiga start berildi. "Mash’al" klubi Muborakda "Bunyodkor"ni qabul qildi.

O‘yin tengkurashlar ostida boshlandi. Bahsning 32-daqiqasida "qaldirg‘ochlar" hisobni ochishlari mumkin edi, ammo "Mash’al" himoyachilari yo‘l qo‘ygan xatodan Shomurodov unumli foydalana olmadi. Eldor deyarli bo‘sh darvozani ishg‘ol qilolmadi.

Oradan 2 daqiqa o‘tib omad muborakliklardan yuz o‘girdi. Mezbonlarning hujumi paytida Zuhurov to‘pni tepib yuborishda xatoga yo‘l qo‘ydi hamda "Mash’al" xavfli vaziyat yaratdi. Zafar To‘rayev tepgan to‘p to‘singa tegdi.

Ikkinchi bo‘lim o‘rtalarida Zuhurov yaxshi harakat qildi. Zafar To‘rayev tomonidan berilgan zarbani Murodjon darvoza chizig‘i ustidan to‘pni oyoqlari bilan qaytardi.

Bahs tugashiga 7 daqiqa qolganida "Mash’al" g‘alaba to‘pini kiritishga muvaffaq bo‘ldi. To‘rayev va Murtazoyev kombinasiyasidan so‘ng Zafar "Bunyodkor" darvozasini ishg‘ol qildi.

Ushbu g‘alabadan keyin "Mash’al" o‘z ochkolarini 14taga yetkazib, jadvalda 3-o‘ringa ko‘tarilib olgan bo‘lsa, "Bunyodkor" 8-o‘rinda qolmoqda.

Oliy liga, 8-tur
17.30 "MASH’AL" - "BUNYODKOR" 1:0
Gol: Zafar To‘rayev (83)
"Mash’al": 35.Ilyosov 2.SHoyqulov (Mirzakamol Kamolov 90+1), 3.Rahmonov 6.Abduraimov 10.Murtazoyev (Zoxir Qo‘ziboyev 87), 13.SHaymonov 18.SHodmonov 44.Begimqulov 55.Agaliyev 77.Olimov 90.To‘rayev (Kenja To‘rayev 84).
"Bunyodkor": 25.Zuhurov (S), 2.Ashurmatov 4. Komilov 10.SHomurodov 16.Sanoyev 17.Hamdamov 19.To‘xtasinov (SHahzodbek Nurmatov 74), 20.Azimov (Javohir Esonqulov 84), 21.Ahmadaliyev 28.Umirov 29.SHukurov.