"Manchester Yunayted"ning sobiq hujumchisi Teddi Sheringem jamoa bosh murabbiyi Joze Mourinyoning yosh o‘yinchilarga bo‘lgan munosabatini qoraladi.

Portugaliyalik mutaxassis matbuotda o‘z jamoasi futbolchilarini, jumladan Lyuk Shou va Antoni Marsialni bir necha marta tanqid qilgan.

"Men ko‘p top-murabbiylar qo‘l ostida o‘ynaganman, ammo ularda matbuotda o‘zim haqimda yomon so‘z eshitmaganman. Ser Aleks Fergyuson hech qachon bunday qilmasdi. Terri Veneybls ham hech qachon bunday qilmagan. Ular kamchiligingni kiynish xonasida yoki ofisda aytishar edi. Yo bo‘lmasa haftalik maoshingga jarima solar edilar. Ammo hech qachon buni matbuotga olib chiqmasdilar.

Oxir-oqibat ular yosh o‘yinchilar. Ular o‘syapti va o‘rganyaptilar. Nfaqat futbolda, balki hayotda ham. Ha, ular ko‘p pul ishlab topmoqdalar, ba’zan aqldan ozishlari mumkin. Murabbiy senga o‘z joyingni bildirib qo‘yishi, sening qanday omadli ekaningni eslatishi va professonal tarzda futbol o‘ynashingni aytishi kerak, nohaqligini matbuotda har kim va hammaga ovoza qilishi emas", - deydi Sheringem.