"Roma" hujumchisi Edin Jeko yoshi o‘tgan sari o‘yin uslubi o‘zgarib borayotgani haqida gapirdi va ishonch uchun rimliklar bosh murabbiyi Luchano Spalettiga minnatdorchilik bildirdi.

"Men yosh yigitcha emasman. Men o‘yn yil avvalgiday yugura olmayman, chunki yosh o‘tgan sari o‘zingni boshqacha his qilasan. Men ulg‘aydim va aqlliroq bo‘ldim, chunki ko‘p tajriba orttirdim. Yoshlikda o‘ylamaysan, shunchaki olg‘a intilaverasan. Tajribang ortgach, kallani ko‘roq ishga solasan.

Spaletti menga ishonch bildirdi. Har bir hujumchi uchun murabbiyning ishonchi muhim. Hatto u o‘yinchini tanqid qilgan taqdirda ham buni uning yaxshiroq o‘ynashi uchun qiladi. Murabbiy senga ishonsa, hammasi osonroq tuyuladi", - deydi Jeko.